ຈອນຟອນຫລັງເສັ້ນຂາວ
ຮູບຈອນຟອນຫຼັງເສັ້ນຂາວທີ່ຖ່າຍໄດ້ເທື່ອທຳອິດຢູ່ເຂດປ່າສະຫງວນແຫ່ງຊາດ ນ້ຳແອດ-ພູເລີຍເມື່ອ ເດືອນ ເມສາ ປີ 2003 ໃນ ສປປ ລາວ. ສັດຊະນິດນີ້ມີລັກຊະນະພີເສດຄືວ່າມີລາຍລ່ອງສີຂາວທີ່ຢູ່ກາງຫຼັງແຕ່ຫົວລົງໄປຮອດກົກຫາງ, ເປັນສັດ ກິນຊີ້ນ, ອາຫານແມ່ນຈຳພວກໜູ.

ໝູຫລຶ່ງ
ໝູຫຼື່ງມີຂະໜາດນ້ຳໜັກໂຕເຖິງ 15 ກລ, ອາໃສຢູ່ໃນຮູດິນໃນເຂດປ່າດົງດິບ, ອາຫານໄດ້ແກ່ ຮາກໄມ້, ຂີ້ກະເດືອນ ແລະ ແມງໄມ້ຫຼາຍຊະນິດ. [ຊະນິດຄູ້ມຄອງ]

ໝາໄມ້
ໝາໄມ້ ເປັນສັດລ້ຽງລູກດ້ວຍນົມຂະໜາດນ້ອຍຊະນິດໜຶ່ງທີ່ມີຢູ່ໃນປ່າຂອງ ສປປ ລາວຮູບນີ້ໄດ້ສະແດງໃຫ້ເຫັນວ່າໝາໄມ້ສາມາດຢູ່ໄດ້ຕາມສັນພູ, ປີນຕົ້ນໄມ້ ແລະ ອອກຫາກິນໃນເວລາກາງເວັນ. ອາຫານໄດ້ແກ່ ຈຳພວກສັດລ້ຽງລູກດ້ວຍນົມຂະໜາດນ້ອຍ,ໄຂ່ນົກ, ພືດ ແລະ ໝາກໄມ້ບາງຊະນິດ.[ເປັນສັດຄຸ້ມຄອງຂອງເຂດປ່າສະຫງວນແຫ່ງຊາດ ນ້ຳແອດ- ພູເລີຍ]