ຮູບເສືອໂຄ່ງໂຕແມ່ທີ່ໃຫຍ່ເຕັມໄວ ຖືກຖ່າຍຮູບດ້ວຍກ້ອງໂອໂຕມາຕິກທີ່ຕິດຕັ້ງຢູ່ໃນປ່າເມື່ອ ເດືອນ ມີນາ ປີ 2003 ຢູ່ປ່າສະຫງວນແຫ່ງຊາດ ນ້ຳແອດ-ພູເລີຍ.ເສືອໂຄ່ງເປັນສັດທີ່ໄກ້ຈະສູນພັນ ແລະ ປະຊາກອນຂອງມັນຍັງເຫຼືອໜ້ອຍ, ກຳລັງປະເຊີນຫນ້າກັບບັນຫາໄພຂົ່ມຂູ່ ຫລາຍໆຢ່າງທີ່ຮ້າຍແຮງໃນ ສປປ ລາວ. ປ່າສະຫງວນແຫ່ງຊາດນ້ຳແອດ-ພູເລີຍ ແມ່ນໜຶ່ງໃນ 2 ຫລື 3 ແຫ່ງຂອງປ່າສະຫງວນແຫ່ງຊາດໃນ ສປປ ລາວ ທີ່ຍັງມີປະຊາກອນເສືອໂຄ່ງຫລົງ ເຫືຼອຢູ່ໃນປະຈຸບັນ. (ຊະນິດຫວງຫ້າມ)

 

ເສືອໂຄ່ງ
ເສືອໂຄ່ງໂຕຜູ້ໃຫ່ຍເຕັມໄວຢູ່ເຂດປ່າສະຫງວນແຫ່ງຊາດ ນ້ຳແອດ-ພູເລີຍ ໃນເດືອນພະຈິກ (11) ປີ 2005. ເພື່ອຄວາມຢູ່ລອດເສືອໂຄ່ງໂຕໜື່ງຕ້ອງກິນອາຫານຢ່າງໜ້ອຍກວາງໃຫ່ຍຫຼືໝູປ່າໂຕໜຶ່ງ( 150) ກິໂລກຣາມຕໍ່ອາທິດ. ການຄ້າຂາຍສັດປ່າທີ່ເປັນອາຫານຂອງເສືອໂຄ່ງເຊັ່ນ ກວາງ, ໝູປ່າ, ກະທິງ, ກະດູກເສືອ, ໜັງເສືອແບບຜິດກົດໝາຍເພື່ອປຸງແຕ່ງເປັນຢານັ້ນເປັນ ໄພຂົ່ມຂູ່ຕໍ່ຄວາມຢູ່ລອດຂອງເສືອໂຄ່ງ

 

ເຖີງແມ່ນວ່າເສືອໂຄ່ງຍັງມີຢູ່ໃນ ສປປ ລາວ ແຕ່ຈຳນວນປະຊາກອນມີຫນ້ອຍສຸດ ແລະ ຫາເບິ່ງໄດ້ຍາກສຸດ. ເພື່ອນັບຈຳນວນປະຊາກອນເສືອໂຄ່ງນັກວິທະຍາສາດໄດ້ນຳໃຊ້ກ້ອງດັກຖ່າຍສັດ (ກ້ອງໂອໂຕມາຕິກ) ເພື່ອດັກຖ່າຍຮູບເສືອໂຄ່ງ ແລະນຳມາຈຳແນກແຕ່ລະໂຕ ໂດຍສົມທຽບລັກສະນະຂອງລາຍຕາມຕົນໂຕຂອງເສືອໂຄ່ງເພາະວ່າເສືອແຕ່ລະຕົວນັ້ນ ມີລາຍສະເພາະ ຂອງໃຜລາວຄືກັບລາຍມີຂອງຄົນນັກວິທະຍາສາດໄດ້ປະເມີນວ່າມີປະຊາກອນເສືອໂຄ່ງໜ້ອຍກ່ວາ 20 ໂຕ ຢູ່ເຂດປ່າສະຫງວນແຫ່ງຊາດ ນ້ຳແອດ-ພູເລີຍ, ປະຈຸບັນລັດຖະບານໄດ້ຮ່ວມມືກັບ ອົງການອະນຸລັກສາກົນ ແລະປະຊາຊົນທ້ອງຖິ່ນເພື່ອເພີ່ມຈຳນວນປະຊາກອນຂອງເສືອໂຄ່ງ ໃຫ້ຫລາຍຂື້ນໃນໄລຍະສິບປີຕໍ່ໜ້າ.