တောင်ပိုင်းဆက်စပ်တောများထိန်းသိမ်းရေးဒေသ သည် မြန်မာနိုင်ငံတောင်ပိုင်းဒေသတွင်တည်ရှိပြီး၊ အရှေ့ဘက်တွင် တနင်္သာရီရိုးမဖြင့် ကာရံထားပြီး၊ အနောက်ဘက်တွင် ကပ္ပလီပင်လယ် ပြင်ကမ်းရိုးတန်းဖြင့် အနားသတ်ထားပါသည်။ တောင်ပိုင်းဆက်စပ်တော ဧရိယာသည် အပူပိုင်း မုတ်သုံ သစ်တောများ ဖုံးလွှမ်းလျှက်ရှိပြီး၊မျိုးသုဉ်းပျောက်ကွယ်မည့် အန္တရာယ်နှင့် ရင်ဆိုင်နေရသည့် အင်ဒိုချိုင်းနားကျား၊အာရှဆင် နှင့် ကြံ့သူတော်များကိုလည်း တွေ့မြင် နိုင်ပါသည်။ ထို့အပြင် တောင်ပိုင်း ဆက်စပ်သစ်တောဧရိယာ သည် ထိုင်းနိုင်ငံအနောက်ဘက်ခြမ်းရှိ နာမည်ကျော် အနောက်ပိုင်းဆက်စပ် သစ်တောများ ထိန်းသိမ်းရေးဒေသ (Western Forest Complex) နှင့် ကန်ကရာချန် အမျိုးသားဥယျာဉ် (Kaeng Krachan National Park) တို့နှင့် တဆက်တစပ်တည်း တည်ရှိနေသောကြောင့် မြန်မာ နှင့် ထိုင်းနှစ်နိုင်ငံအကြား နယ်စပ်ဖြတ်ကျော် ထိန်းသိမ်းရေး လုပ်ငန်းများကို အလေးပေး ဆောင်ရွက်သင့် သည့်နေရာလည်းဖြစ်သည်။

            ထို့အပြင် တောင်ပိုင်းဆက်စပ်သစ်တောထိန်းသိမ်းရေးဒေသ၏  ၆၀၀ ကီလိုမီတာခန့်ရှည်လျားသည့် ပင်လယ်ကမ်းရိုးတန်းရှိ ဒီရေရောက်သည့် နေရာများ တွင် အပင်မျိုးစုံလင်လှသည့် ဒီရေတောများကို တွေ့နိုင်ပြီး ပင်လယ်ရေနေသတ္တဝါများဖြစ်သည့် ဝေလငါး၊ ငါးမန်း၊ ပင်လယ်လိပ်မျိုးစိတ်များနှင့် ရေဝက်များ ကိုပါ လေ့လာတွေ့ရှိနိုင်ပါသည်။ ကျွန်းပေါင်း ၈၀၀ ကျော်ရှိနေသည့် မြိတ်ကျွန်းစုရေပြင် တွင်လည်း လှပဆန်းကြယ်လှသည့် သန္တာကျောက်တန်းများကို တွေ့နိုင်ပါသည်။

     တောင်ပိုင်းထိန်းသိမ်းရေးဒေသတွင် အဓိကကြုံတွေ့နေရသည့် ဇီဝမျိုးစုံမျိုးကွဲထိန်းသိမ်းရေးဆိုင်ရာ ခြိမ်းခြောက်မှုများမှာ သဘာဝ သစ်တောနေရာများတွင် စက်မှုကုန်ကြမ်းသီးနှံများဖြစ်သော ရာဘာနှင့် ဆီအုန်းစိုက်ခင်းများကို  စီးပွားဖြစ်စိုက်ပျိုးခြင်းပင်ဖြစ်သည်။  ယခုအခါ ထားဝယ်အထူးစီးပွားရေး ဖွံ့ဖြိုးရေးဇုံစီမံကိန်းကို စတင်အကောင်အထည်ဖော်ဆောင်လျက်ရှိပြီး မြန်မာနှင့်ထိုင်းကို ဆက်သွယ် ပေးမည့် ကားလမ်းကိုလည်း ဖောက်လုပ်လျက်ရှိသည်။ အဆိုပါလမ်းဖောက်လုပ်မှုသည် တောင်ပိုင်း ဆက်စပ်သစ်တောထိန်းသိမ်းရေးဒေသ၏ တောရိုင်းတိရစ္ဆာန်များ ရှင်သန်မှုနှင့် ၎င်းတို့ကျက်စားရာ သဘာဝသစ်တောများတည်ရှိမှုကို များစွာထိခိုက်စေပါသည်။ တာဝန်ယူမှုမရှိသည့် စည်းကမ်းမဲ့ သတ္တုတူး ဖော်မှုများကလည်း တောင်ပိုင်းဒေသ၏ ဇီဝမျိုးစုံမျိုးကွဲနှင့် ရေအရင်းအမြစ်များကို များစွာ ထိခိုက်စေပါသည်။ ထို့အပြင် ပင်လယ်ရေပြင်ရှိ အဏ္ဏဝါဂေဟ စနစ်များနှင့် သယံဇာတများသည် လည်း အလွန်အကျွံငါးဖမ်းဆီးမှုများကြောင့် ထိခိုက်ပျက်စီးမှုများ ရှိနေပါသည်။

         တောင်ပိုင်းဆက်စပ်ထိန်းသိမ်းရေးသစ်တောဒေသရှိ  လုပ်ငန်းများကို အကောင်အထည်ဖော်ဆောင် ရာတွင် ဆက်စပ်အဖွဲ့အစည်းများအားလုံး ပါဝင်နိုင်ရေးကို အလေးပေး ဆောင်ရွက်လျက်ရှိရာ ပတ်ဝန်းကျင်ထိန်းသိမ်းရေးဦးစီးဌာနနှင့် ပူးပေါင်း၍ ထိန်းသိမ်းရေးဆိုင်ရာ အသိပညာမြှင့်တင်ရေး လုပ်ငန်းများကိုလည်းကောင်း၊ မြေပုံရေးဆွဲရေးဆိုင်ရာ ကျွမ်းကျင်သူများအဖွဲ့ဖွဲ့စည်း၍ အစိုးရဌာန ဆိုင်ရာအဖွဲ့အစည်းများနှင့် အရပ်ဘက်လူမှုအဖွဲ့အစည်းများ၏ လိုအပ်ချက်များကို တတ်စွမ်းသမျှ ကူညီဖြည့်ဆည်းပေးလျက်ရှိသည်။